Heart kay Echo: I don’t at all hate him, mga magulang ko lang ang ayaw sa kanya

BELIEVE it or not, may mga fans pa rin ang ex-lovers na sina Heart Evangelista at Jericho Rosales na gustong magkasama ulit sila sa isang proyekto.
Sa ngayon, medyo malabo na makagawa sila ng TV show although may posibilidad na mangyari ito sa pelikula.
Under contract si Heart ng Viva Films at si Echo naman ay nakakagawa ng pelikula sa ibang film outfit outside ABS-CBN’s movie arm, na Star Cinema.
Nagkaroon kami ng chance to ask Heart kung okey ba sa kanya to work with Echo again during the signing ng renewal of exclusive movie and endorsement contract sa Viva Entertainment.
“Of course. Okey ba sila?” balik na tanong ni Heart.
“You know, at the end of the day, we’ve got bills to pay. So, you gotta be practical,” sabay ngiti niya.
Wala rin daw problema sa mister ni Heart na si Sen. Chiz Escudero kung magkasama ulit sila ni Echo sa isang proyekto. Inamin ni Heart na napapanood pa rin niya si Echo paminsan-minsan.
“Masaya ako para sa kanya. Tsaka, we did not have a problem with each other talaga. It’s a known fact that it was my parents who really didn’t want us together. So, I don’t at all hate him,” dagdag niya.
Nagbigay din ng mensahe si Heart para sa natitirang fans nila ni Echo, “Sad for them. I’m sorry,” sabi niya. “But I appreciate that day, when they supported us when the whole world was against us. Thank you but, we have now found our happy endings.”