Julie Anne natagpuan na ang ‘forever’ kay Benjamin Alves

Mukhang natagpuan na nga yata ng Asia’s Pop Sweetheart na si Julie Anne San Jose ang kanyang “forever” sa katauhan ng Kapuso hunk actor na si Benjamin Alves.
Marami ang nagpapatunay na mas naging sweet ngayon sa isa’t isa ang dalawa, lalo na nang magsimula na silang mag-taping para sa bagong serye ng GMA, ang TV remake ng classic Maricel Soriano movie na Pinulot Ka Lang Sa Lupa.
Ito ang kauna-unahang pagkakataon na magsasama sa isang serye sina Julie Anne at Benjamin kaya excited na ang kani-kanilang fans na mapanood sila together sa isang project.
Actually, ipinakilala na ng singer-actress si Benj sa kanyang parents at okay naman daw ang reaksiyon ng family niya sa binata, “Happy po ako kasi okay siya sa parents ko. Malaking bagay po kasi na alam din ng pamilya mo.
“Hindi rin kasi…ayaw ko rin naman na hindi okay sa parents ko, siyempre mabigat for me. Ayoko ring i-risk ang relationship ko with my family dahil sa relationship ko with someone,” ang paliwanag ni Julie Anne sa presscon ng next major concert niya kung saan makakamasa naman niya this time ang Asia’s Romantic Balladeer na si Christian Bautista.