“SILA na! Walang label, pero nagkabalikan na!” Ito ang kuwento ng aming source tungkol kina Gerald Anderson at Bea Alonzo.
Agree kami dahil hindi lang isa o dalawa ang nagsabi sa amin na palaging sweet na sweet ang dalawa kapag magkasama at ibang-iba na rin ang tinginan at kilos nila sa isa’t isa.
Tungkol sa label, mukhang hindi na nga uso ito ngayon, basta’t nagkasundo kayo, ini-enjoy ang company ng bawa’t isa, e, at maligaya kapag magkasama, kailangan pa bang i-memorize ‘yan?
Sabagay hindi naman itinatanggi nina Gerald at Bea na nagde-date uli sila pero ayaw nilang sabihing “exclusively da-ting” dahil anila, “Ini-enjoy lang namin ang mga panahong hindi namin nagawa before.”
Sa isang event kung saan kasama si Bea at iba pang personalidad ay natanong siya tungkol kay Gerald. Aniya, “We go out. Wala namang masama. Parang wala naman kaming nasasaktan. Parang ang pangit mag-share ng mga personal, and babae ako.”
As of now ay nananatili pa ring tikom ang bibig ni Gerald tungkol sa pahayag ni Bea na pangit mag-share ng mga personal na bagay ang babae.