Kris may bagong emote, handa nang maging wais at matapang

MAKAHULUGAN ang mga ipinost na mensahe ni Kris Aquino sa kanyang Instagram account na may kinalaman sa “life lessons”.

Tatlong IG messages ang sunud-sunod na ipinost ng Queen Of All Media, una ang “If it doesn’t open, it’s not your door.”

Ang ikalawa naman ay, “Never explain yourself. Your friends don’t need it and your enemies won’t believe it.”

Sinundan pa ito ng isang verse mula sa Bible, “I embrace in faith…all your lost & broken pieces will find their way back, and you’ll be ready to be braver, wiser, stronger.”

Ipinost ito ni Kris sa gitna ng balitang nagsimula na siyang mag-taping para sa bago niyang show sa GMA 7 sa ilalim ng APT Productions na posibleng magsimula na next month.