Horoscope, September 23, 2016

Para sa may kaarawan ngayon: Bihira sa mga taong isinilang sa petsang 23 ang hindi yumayaman. Oo, yayaman ka rin sa tatlong paraan: una mag-abroad ka nang mag-abroad; pangalawa, magengsoyo ka, at pangatlo, maag-asawa ka ng mayaman o dahil sa pag-aasawa ikaw ay yayaman. Kapag nagawa mo ‘yan, pagtuntong ng edad mong 50 pataas, mayamang-mayaman ka na. Mapalad ang 8, 17, 26, 35, 40 at 49. Mahiwaga mong mantra: “Hare-Krisna!” Silver at pink ang buenas.
Aries – (Marso 21-April 19) — Hindi dapat tumunganga! Kung hindi palalaguin ang iyong kabuhayan, paano ka uunlad? Sa pag-ibig, kung magsasawalang-kibo ka na lang, paano ka makaka-score sa minamahal? Ngayon na ang tamang panahon upang kumilos! Mapalad ang 3, 9, 18, 27, 26, at 48. Mahiwaga mong mantra: “It’s now or never.” Purple at blue ang buenas.
Taurus – (April 20-May 20) — Sa Paskong darating magluto ng mga pagkaing pamasko, ang nasabing kalakal ang magpapayaman sa iyo. Sa pag-ibig, bago dalhin sa market ang nilutong bibingka, ipatikim muna sa kasuyong Libra. Mapalad ang 3, 9, 18, 27, 30, at 48. Mahiwaga mong mantra: “Om-Namo-Tetra-Om.” Yellow at violet ang buenas.
Gemini – (May 21-June 21) — Panahon na upang isakatuparan ang mga binabalak. Upang umunlad at yumaman, wag kasing isip nang isip at puro pangarap lang – aksyon ang kailangan. Sa pag-ibig, yayain na agad ang kasuyo sa isang pribadong lugar. Mapalad ang 5, 7, 14, 22, 34 at 49. Mahiwaga mong mantra: “Aum-Vedanta-Om.” Beige at red ang buenas.
Cancer – (June 22- July 22) — Huwag panghihinaan ng loob! Upang magkapera ng malaking halaga, sugod lang nang sugod ang dapat. Sa pag-ibig, wag matakot sa kasuyo, imbes na ikaw ang sumunod, siya ang pasunurin mo sa iyong kagustuhan, magagawa mo ‘yan kung lagi mong tititigan ang kanyang mga mata. Mapalad ang 7, 14, 22, 31, 40 at 49. Mahiwaga mong mantra: “Aum-Gorocha-Om.” Gray at green ang buenas.
Leo – (July 23 – August 22) — Upang mapasunod sa iyong kagustuhan ang iyong kausap, tumayo nang tuwid habang tinititigan ang pagitan ng kanyang dalawang mata. Ibulong sa iyong sarili: “Mapapasunod kita!” Kapag nagawa mo ‘yan, mas madali kang magtatagumpay sa lahat ng bagay na naisin mo. Mapalad ang 5, 14, 23, 32, 40 at 48. Mahiwaga mong mantra: “Mayabeja-Kubera-Om.” Orange at blue ang buenas.
Virgo – (August 23 – September 22) — Upang hindi ka mautangan kahit kumita ng malaking halaga, isikreto mo lang. Sa pag-ibig, maraming nagnanasa sa iyong kagandahan ngunit may isang nakakulay asul na magbibigay sa iyo ng kakaibang ligaya. Mapalad ang 5, 16, 23, 31, 41, at 39. Mahiwaga mong mantra: “Agla-Aum-Aum.” Bukod sa blue ang silver ay buenas.
Libra – (September 23-October 23) — Panahon ngayon ng Libra, kaya lalong pang gaganda ang iyong kapalaran. Ang mahalaga ay magsuot lagi ng kulay na pula, upang lalo pang uminit ang romansa at dumating ang mas marami pang pera. Mapalad ang 3, 18, 27, 34, 38 at 49. Mahiwaga mong mantra: “Babanam-Kebalam.” Bukod sa red ang pink ay buenas.
Scorpio – (October 24 – November 21) — Upang hindi mahirapang magdesisyon, laging pairalin ang praktikalidad. Sa pag-ibig, itigil na ang pagiging sobrang emosyonal. Sa pinansyal, hangga’t palagi kang nagiging praktikal lalo kang uunlad at yayaman. Mapalad ang 2, 7, 16, 25, 34, at 42. Mahiwaga mong mantra: “Aum-Mohaya-Om.” White at lilac ang buenas.
Sagittarius – (November 22 – December 21) — Panahon na upang mag-isip ng sariling pagkakakitaan. Sa pag-ibig, iwasang magpauto sa isang kulot ang buhok at maitim ang kulay ng balat. Siya ang lihim na manloloko sa iyo. Mapalad ang 6, 17, 26, 34, 45 at 49. Mahiwaga mong mantra: “Gayatri-Dheemari-Om.” Green at peach ang buenas.
Capricorn – (December 22 – January 19) — Wag daanin sa init ng ulo ang anomang problema! Sa pinansyal, panatiliin ang pagiging mahinahon para dumami ang pera. Sa pag-ibig, kung aawayin ang kasuyo baka “ma-outside de-kulambo” ka na naman, maging mabait sa minamahal. Mapalad ang 3, 16, 24, 33, 39 at 49. Mahiwaga mong mantra: “Jai-Guru-Deva-Om”. Red at purple ang buenas.
Aquarius – (January 20 – February 18) — Wag samantalahin ang kabaitan ng iba. Kung paanong niloloko mo ang iyong kapwa, sa bandang huli ikaw naman ang lolokohin ng tadhana. Sa pag-ibig, maging tapat sa kasuyong uto-uto. Mapalad ang 8, 19, 28, 34, 44 at 49. Mahiwaga mong mantra: “Yod-He Vau-Weh.” Gray at olive green ang buenas.
Pisces – (February 19 – March 20) — “Makakaraos din!” – yan ang mahiwagang formula. Sa sandaling lagi mo ‘yang binigkas ng paulit-ulit, anuman ang iyong problema makakaraos ka! Sa pag-ibig, sa sandali namang “nakaraos” lalo pang iinit at sasarap ang pakikipag-relasyon sa kasuyong kayumanggi ang kulay ng balat. Mapalad ang 3, 18, 27, 33, 42, at 49. Mahiwaga mong mantra: “Krisna-Krisna-Rama-Rama.” Red at blue ang buenas.