IBANG klase talaga ang style ni Lea Salonga sa pang-ookray.
Sa isang post ng international singer sa kanyang social media account ay parang pinagtawanan at kinuwestiyon nito ang kakayahan at abilidad ni Aga Muhlach bilang isa sa mga judges ng Pinoy Boy Band Superstar.
Ayaw na naming banggitin ang mga sinabi ni Lea dahil mukha namang may hugot ang kanyang komento. Ha-hahaha! Pero for sure may naitatago ring galing sa pagiging hurado si Aga pagdating sa paghahanap ng magagaling at makarismang male singer.
Ibang klase lang talaga minsan si Lea kapag gusto niyang magpakatotoo. Idadaan lang muna niya ito sa biro o kantiyaw.
Pero sa pagkakahuli sa half-brother niya recently dahil sa droga, ay saludo kami sa kanyang naging posisyon. Maliwanag ang pagkakasabi ni Lea na hindi niya ito kukunsintihin o kakampihan.
Never ding dinenay ni Lea na iisa nga ang tatay nila, pero ipinagdiinan na magkaiba ang nanay nila. Pansin n’yo ba? Ang lalim ng hugot du’n ni Lea.