SA dami ng mga bonggang news sa mundo ng showbiz, what with the numerous international recognitions and awards na natatanggap ng mga Filipino artists, aba’y hindi naman puwedeng hindi umeksena si Kris Aquino.
Masyado na siyang nadedehado sa mga headlines sa tabloid kaya kailangang may mga bagong kadramahan na naman siyang gawin para makipag-unahan sa deadline! Ha-hahaha!
Matagal nang usap-usapan na tuluyan na siyang aalis ng ABS-CBN at lilipat na sa GMA 7 matapos nga siyang pumirma ng management contract sa APT Entertainment ni Mr. Tony Tuviera, na markado bilang Kapuso.
Wala namang masama sa naging desisyon ni Kris. In fact, alam nating bonggang addition sa GMA ang tulad niya, not to mention the fact na sa GMA 7 naman talaga nagsimula ang kanyang hosting career.
Ang nakakatawa lang kasi, talagang sinabayan niya ang mga positive and heartwarming news sa local showbiz gaya ng pagkakapanalo ng pelikulang “Ang Babaeng Humayo” bilang Best Film sa 2016 Venice Film Festival na idinirek ni Lav Diaz, pati na rin ang magagandang reviews para sa akting na ipinakita ni Madam Charo Santos sa movie. Posible rin daw na ito ang maging entry ng Pilipinas para sa OSCARS.
Ang nangyari kasi, sandali lang pinag-usapan dito sa atin ang winning moment nina direk Lav at Madam Charo, pati na rin ang co-star niyang si John Lloyd Cruz, dahil natabunan nga ng mga emote ni Kris Aquino.
Yes, si Kris Aquino na paulit-ulit nang nagpaalam sa showbiz, bumalik, nag-aplogize at nagpaliwanag (nagamit na yata halos lahat ng alibi, mula sa kanyang lovelife, health, safety and security at kung anek-anek pa) sa publiko. Ang tanong, may naniniwala pa ba sa kanya?