Matatanggap ba sa Call Center? (2)

Sulat mula kay Regine ng San Bartolome, Novaliches, Quezon City
Dear Sir Greenfield,
1. Two years na po akong graduweyt ng education ang kaso hindi ako nakapasa sa board exam kaya wala akong makuhang regular na trabaho. Sa ngayon ay nagpasya akong mag-aplay sa call center, dahil may kaibigan akong nagta-trabaho doon at maganda namana ng suweldo.
2. Ang itatanong ko lang ay kung matatanggap kaya ako at kapag nandon na kaya ako magiging maganda naman kaya ang buhay ko don o mas magandang ituloy ko na lang ang aking pagre-review uli baka makapasa na ako at kapag nakapasa na ako sa board exam ay mag aaplay ako sa public school. Saang larangan po ba ako higit na uunlad at aasenso, sa call center o sa pagtuturo? At may travel line din po ba sa akin palad, pangarap ko rin po kasi na makapag-abroad? December 5, 1989 ang birthday ko.
Umaasa,
Regine ng Quezon City
Solusyon/Analysis:
Astrology:
Ang zodiac sign mong Sagittarius (Illustration 2.) ay nagsasabing sa tulong ng isang kaibigan isinilang sa zodiac sign na Aries, isa-isa ng matutupad ang lahat ng pangarap mo sa buhay.
Numerology:
Ang birth date mong 5 ang nagsasabing sa sandaling suwertehin ka sa call center, ito ang magiging hudyat ng tuloy-tuloy na ang pagdating ng iyong magagandang kapalaran – mare-regular ka sa trabaho, kusang tataas ang iyong suweldo, hanggang sa lumipas ang dalawa hanggang limang tao na, may isang mabunga at mabiyayang pangingibang bansa namang itatala sa iyong kapalaran.
Luscher Color Test:
Upang lalo pang suwertehin gumamit kang lagi ng kulay na pula at metallic blue. Sa ganyang paraan mas marami pang suwerte at magagandang kapalaran ang kusang darating ang sa iyong buhay.
Huling payo at paalala:
Regine ayon sa iyong kapalaran, bago matapos ang taong ito ng 2016 magsisimula na ang pagdating ng iyong magandang kapalaran, mapapasok ka sa call center na may magandang suweldo, at ang nasabing magandang kapalaran ay magtutuloy-tuloy na hanggang 2025, kung saan, sa panahong nabanggit sa edad mo namang 36 pataas may mga mabunga at mabiyayang pangingibang bansang itatala sa iyong kapalaran, kung saan ang nasabing mga pag-aabroad ang lalo pang magpaga-unlad ng iyong career at aspetong pang kabuhayan.