DIRETSONG inamin ng na-evict na PBB Lucky Season 7 housemate na si Rita Gabiola na gusto niyang mag-try sa showbiz.
Si Rita o mas kilala sa social media bilang si Badjao Girl ang huling napalayas sa Bahay ni Kuya matapos bumagsak sa last task ng ibinigay ni Big Brother. Balak daw niyang bumalik sa Lucena para ipagpatuloy ang kanyang pag-aaral.
Pero kung mabibigyan daw siya ng chance, gusto niyang i-try ang swerte niya sa showbiz.
“Gusto ko pong maging artista. Habang nag-aartista po ako, gusto ko mag-focus sa pag-aaral ko, dahil ang pag-aaral ko ay mahalaga sa akin lalo’t Grade 6 pa lang po ako,” chika ng 13-year-old former PBB housemate.
Sa panayam ng Umagang Kay Ganda kahapon, diretso ring sinabi ni Rita na crush niya ang PBB housemates na sina Marco Gallo at Yong Mujahil. Humahanga rin daw siya sa host ng PBB na si Robi Domingo.