TNT KaTropa nilampaso ang San Miguel Beermen

Mga Laro Ngayon
(Mall of Asia Arena)
4:30 p.m. Rain or Shine vs NLEX
6:45 p.m. Meralco vs Star

MAGAANG na dinispatsa ng TNT KaTropa ang San Miguel Beer, 105-85, para mahablot ang unang twice-to-beat advantage sa playoff round sa kanilang 2016 PBA Governors’ Cup out-of-town game sa Batangas City Coliseum sa Batangas City, Batangas kahapon.

Bunga ng panalo, umangat ang Texters sa 8-1 kartada at nanatiling nagsosolo sa itaas ng team standings.

Nalaglag naman ang Beermen sa 6-3 karta at nakasalo ang Mahindra Enforcers sa ikatlong puwesto.

Kumana si Ranidel De Ocampo ng 18 puntos para pamunuan ang TNT KaTropa.