LPA magpapaulan

  Isang low pressure area na magdudulot ng pag-ulan sa bansa ang binabantayan ng Philippine Atmospheric Geophysical and Astronomical Services Administration.

     Kahapon ng umaga ang LPA ay nasa layong 370 kilometro sa silangan ng Baler, Aurora.

     Ayon sa PAGASA makararanas ng pag-ulan sa Region 4-B (MIMAROPA), Western Visayas, Zamboanga Peninsula at Aurora.

     Nagbabala ang ahensya na maaaring magkaroon ng flash flood at landslide sa mga mabababang lugar.

     Magiging maalon din sa karagatan ng bansa.