Photo curtesy of ABS CBN
BALIK-ABS-CBN na nga si Aga Muhlach bilang isa sa apat na hurado sa bagong reality talent search na Pinoy Boyband Superstar.
Makakasama niya bilang judge sa programa sina Sandara Park, Yeng Constantino at Vice Ganda to be hosted naman by Billy Crawford.
Ito raw ang papalit sa malapit nang magtapos na The Voice Kids hosted by Luis Manzano with coaches Megastar Sharon Cuneta, Lea Salonga and Bamboo.
Balitang pursigido rin sa pagpapapayat si Aga dahil ayaw daw nitong magmukhang “tatay” ng mga makakasamang judges sa Pinoy Boyband Superstar. Ha-hahaha!
May mga nakita kaming litrato ni Aga recently, at mukhang nabawasan na rin ang timbang niya tulad ni Mega. May mga narinig pa nga kaming chika na baka raw sina Aga at Sharon pa ang maging magkatambal sa comeback movie ng Megastar.