Isang overseas Filipino worker na tumaya ng P20 ang nag-uwi ng P111.9 milyong jackpot prize ng Lotto 6/42 sa bola noong Agosto 4.
Ayon sa Philippine Charity Sweepstakes Office ang nanalo ay 33-taong gulang, may asawa at isang anak. Siya ay residente ng Cavite.
Ang tinayaan niyang mga numerong 33-35-13-27-5-12 ay mula umano sa petsa ng kaarawan at edad ng mga miyembro ng kanyang pamilya.
Siyam na taon na umano siyang tumataya sa lotto.
Plano niya na tumigil na sa pag-aabroad at magnenegosyo na lamang sa bansa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending