Lalo pa’t naulit pala ito nu’ng maging guest din siya sa The Buzz noong Sunday, a few hours after nga nilang humarap sa presscon that same day para sa promo ng third installment ng tandem nila.
Well, nasaksihan namin ang naturang pagbabahagi ng emosyon ni Lloydie na humantong nga sa pag-iyak nito hatid ng masaya nilang kuwentuhan tungkol sa movie at para sa amin ay nadala marahil si Lloydie ng mga overwhelming responses and reactions lalo pa’t nauna na rin niyang sinabi na baka gawin niyang magretiro ng maaga sa showbiz to enjoy his family life.
At 29, at sa tagumpay ngayon ni Lloydie, posible ngang sabihin ng iba na parang madaling sabihin ng isang gaya ang ganu’ng plano dahil matagumpay ito bilang aktor.
Pero kay Lloydie na mismo nanggaling na kapag nagplano siyang magpamilya ay ipapangako nga niyang dito maglalaan ng maraming oras.Kaya ang tanong ng marami ay kung kailan naman kaya ito mangyayari?
May mga nagpapalagay na gumigimik lang ang aktor.
Well, basta kami kapatid na Ervin, sa napanood naming trailer ng movie, feel naming makakabawi ng bonggang-bongga ang Star Cinema dahil tiyak na gagawa uli ito ng history sa box-office.
Sa tindi ng kilig at aliw factors ng movie na tatak-Star Cinema talaga at tatak-husay ni direk Cathy Garcia Molina, masasabi nga nating madadagdagan ang mga movies ni John Lloyd na mananatiling buhay at nasa puso natin kahit pa matuloy ang kanyang early retirement sa showbiz.