Agree naman kami sa tinuran ni Regine Velasquez-Alcasid na kung saan may trabaho at tamang bayad, doon pupunta ang isang artista o singer. Sa dami na kasi ng mga dating katrabaho ni Regine sa Kapuso network na lumipat na nga at ngayo’y namamayagpag na sa ABS-CBN gaya nina Jolina Magdangal, Jaya, Jay-R, Kyla at Jona Viray, pati na ang magkapatid na Maxenne at Elmo Magalona, may mga kumukumbinsi na rin sa Asia’s Songbird na mag-ober da bakod na rin.
May ilang pagkakataon na rin kasing namamataan sa ilang programa ng ABS-CBN ang asawa ni Regine na si Ogie Alcasid, na nakasama nga sa 25 years commemorative album ng Maalaala Mo Kaya. Pero very consistent si Regine sa pagsasabing masaya siya sa ibinibigay na trabaho sa kanya ng GMA 7 at wala siyang nakikitang rason para balewalain ito at layasan ang kanyang mother network. So there.