WALA ng extension at hindi na talaga mapipigil ang pagbye-bye sa morning show ni Marian Rivera sa GMA na “Yan ang Morning”.
Hanggang next week na lang ang itatagal ng show, ayon sa misis ni Dingdong. August 12 to be exact ang huling airing ng programa.
Bago pa ang kumpirmasyon, matagal na ring usap-usapan sa loob at labas ng GMA at showbiz circle ang planong pagsibak sa programa ni Marian dahil bukod sa hindi nga raw ito nagre-rate, nais daw talagang mag-concentrate ng magandang aktres sa pag-aasikaso sa baby nila ni Dingdong na si Zia.
Pero giit naman ni Marian ang usapan nila ng GMA ay hanggang isang season lang talaga ang show, walang labis at walang kulang. Chika pa ni Marian na inalok naman daw siya ng GMA executives na i-extend ang show pero talagang gusto muna niyang magpahinga para sa kanyang anak.