Bato pikon na kay Kerwin: ‘Pag hindi ka sumuko, may mangyayari…
TILA gigil na gigil na si Chief PNP Ronald Bato Dela Rosa sa sinasabing drug dealer na si Kerwin Espinosa.
Dahil dito, binigyan ni Bato si Kerwin, anak ni Albuera, Leyte Mayor Rolando Espinosa Sr, ng ultimatum na sumuko bago matapos ang araw ng Biyernes.
Ayon kay Dela Rosa, kapag hindi sumuko si Kerwin ay mapipilitan siyang palayasin sa “White House” ang kanyang ama at pamilya na pansamantalang kinupkop ng PNP habang hinihintay ang pagsuko ng biggest drug lord sa Eastern Visayas.
Ang White House ang official residence ng PNP CHief na nasa loob ng Camp Crame sa Quezon City.
“Hanggang ngayon gabi. Kung walang mangyari, then tomorrow morning I will tell them to vacate and ship themselves out,” ayon kay Bato sa isang ambush interview.
Dahil sa seguridad, ang alkalde, kanyang live-in partner at kanilang anak ay pansamantalang pinatuloy sa White House matapos sumuko ang mayor noong Martes matapos magbigay ng 24-oras deadline si Pangulong Rodrigo Duterte na silang mag-ama ay magsisuko.
Sinasabing nasa Malaysia nagtatago si Kerwin, ngunit nagpadala na umano ito ng surrender feeler.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.