SAYA at aksyon ang matutunghayan ng mga manonood gabi-gabi sa pagdala ng Unkabogable Star na si Vice Ganda ng good vibes sa FPJ’s Ang Probinsyano.
Matapos ang kanilang pagtatambal sa box-office hit na “Beauty and the Bestie,” sa telebisyon naman matutunghayan ang kinagiliwang tandem nina Vice at Coco na talaga namang ikinatutuwa ng viewers.
Tutukan ang mga nakakatawang eksena kasama si Vice sa pagganap niya bilang si Ella, ang lider ng online scammers na nagpapanggap bilang mga babae upang makakuha ng pera mula sa foreigners. Makakasama rin ni Vice rito sina Pooh at Chokoleit.
Ano nga kayang panganib ang dala ni Ella? Mapigilan kaya ni Cardo (Coco) na mahumaling kay Ella? Paano kaya masusugpo ni Cardo ang mga plano ng kanilang grupo?
Samantala, bukod sa cyber scam, tampok rin sa top-rating series ang kaso ng iligal na pagkatay ng aso kasama sina Emilio Garica, Manuel Chua at Kiko Matos. Napapanood pa rin ang FPJ’s Ang Probinsyano, gabi-gabi sa ABS-CBN.