ZAMBALES
NAHAHARAP sa kasing direct assault ang isang 65-anyos na lola matapos buhusan nito ng mainit na tubig ang isang court sheriff na nagsisilbi ng demolition order sa Subic, Zambales, Miyerkules.
Sinabi ni Teresita Ofrasio, 65, residente ng Barangay Asinan Proper, Subic na dahil sa kanyang emosyon, kinompronta niya si Sheriff Leandro Madarang, ng Olongapo City Regional Trial Court (RTC) ganap na alas-9 ng umaga.
Isinisilbi ng sheriff ang isang demolition order na ipinalabas ni Judge Richard Paradeza ng RTC Branch 72 laban kay Ofrasio at tatlong iba pang may-ari ng bahay nang mangyari ang insidente.
Nalapnos ang likod ni Madarang, na nagsabing ginagawa lamang niya ang kanyang trabaho.
Kinasuhan ni Madarang si Ofrasio ng direct assault sa city prosecutor’s office.
Idinagdag ni Madarang na desidido siyang utuloy ang iba pang kaso, kasama na ang contempt of court.