Mga Laro Ngayon
(Ynares Sports Arena)
4 p.m. Topstar ZC Mindanao vs AMA Online Education
6 p.m. Cafe France vs Phoenix
Team Standings: Phoenix (7-1); Cafe France (6-1); Racal (7-2); Tanduay (6-3); AMA (1-5); Blustar (1-8); Mindanao (0-8)
MULING maghaharap ang matinding magkaribal na Phoenix at Cafe France ngayon sa Ynares Sports Arena sa Pasig City. Nakataya sa sagupaang ito ang liderato sa 2016 PBA D-League Foundation Cup sa Huwebes Hangad din ng nagtatanggol sa titulo na Bakers na makabawi sa Accelerators matapos ang nakakadismayang kampanya nito sa Aspirants’ Cup Finals.
“Alam naman natin na pag Phoenix ang kalaban, it’s all about kung sino ang mapupunta nasa taas. Nandoon yung competitive spirit for both teams palagi kasi naglaban na kami dati sa championship,” sabi ni Bakers coach Egay Macaraya.
“It will be a good game and I know both teams want to win that game badly.” Una munang magtutuos ang Topstar ZC Mindanao at AMA Online Education ganap na alas-4 ng hapon bago ang salpukan ng Café France at Phoenix dakong alas-6 ng gabi.