Karla, Melai, Jolina namamayagpag tuwing umaga sa Magandang Buhay

MAS dumarami ang manonood sa Metro Manila na tumututok sa makabuluhan at kwelang chikahan hatid ng morning talk show ng ABS-CBN na Magandang Buhay.

Base sa datos ng Kantar Media noong Biyernes, natamo ng programa ang bago nitong all-time high rating sa lugar na 10.1%. Nanatili rin itong pinapanood sa iba’t ibang panig ng bansa ng mga momshie na sanay ng ka-bonding ang hosts na sina Karla Estrada, Melai Cantiveros at Jolina Magdangal tuwing umaga.

Sa darating na July 18 ay third monthsary na ng Magandang Buhay sa ere. Sa lalo pa nitong paglakas sa viewers tiyak mas marami pang exciting na chikahan ang inyong dapat pakaabangan. Pakatutukan ang Magandang Buhay tuwing 8 a.m. sa ABS-CBN.