Inaasahang aabot sa P225 milyon ang jackpot prize ng Grand Lotto 6/55 sa bola mamayang gabi (Lunes).
Ayon sa Philippine Charity Sweepstakes Office walang nanalo sa P217.8 milyong jackpot prize ng Grand Lotto sa bola noong Sabado ng gabi.
Sa pinakahuling bola ay lumabas ang winning number combination na 33-32-51-17-13-03.
Nanalo naman ng tig-P164,460 ang 13 mananaya na nakakuha ng limang numerong lumabas.
Tig-P1,730 naman ang napanalunan ng 984 mananaya na nakakuha ng apat na numero. Balik naman ang P20 taya ng 22,837 mananaya na nakatatlong numero.
Ang Grand Lotto 6/55 ay binobola tuwing Lunes, Miyerkules at Sabado.
Noong Marso 16 pa walang tumatama ng jackpot prize sa Grand Lotto kaya lumaki na ito.
Huling tinamaan ang 6/55 jackpot prize noong Marso 14. Nagkakahalaga ng P59.7 milyon ang iniuwi ng nag-iisang nanalo.
MOST READ
LATEST STORIES