MARAMING nagulat nang kumalat sa social media ang mga litrato ni Wally Bayola kasama ang kanyang pamilya na kuha sa binyag ng kanyang kauna-unahang apo.
Yes, lolo na nga sa tunay na buhay si Lola Nidora (karakter ni Wally sa kalyeserye ng Eat Bulaga). Talagang naglaan ng oras si Wally para makadalo sa binyag ni Baby Zafira, anak ng daughter niyang si Lyza Bayola at asawa nitong si Cjay.
Ginanap ang binyagan sa last July 10 sa Le Reve Events Place, Quezon City. Tuwang-tuwa ang anak niyang si Lyza dahil nga kahit na sobrang busy ng kanyang tatay sa pagtatrabaho ay nakapunta pa rin ito sa binyag ng kanyang baby.
Sa Facebook account nga ni Lyza, nagpasalamat ito sa kanyang tatay, “Kahit sobrang busy, talagang he finds time para makipag-coordinate sa pag-organize. We love you so much!” Mismong ang mag-asawang Lyza at Cjay ang nag-organize ng party pagkatapos ng binyagan.