NAKASABAY namin sa elevator si JC de Vera nung papunta kami sa presscon ng YES 100 Most Beautiful Stars.
Kasali sa listahan ang hunk actor na kabilang sa mga prinsipe ng primetime. “Thrice or fourth time ko na yata,” sey nito sa amin. Simula nga raw nang maging Kapamilya si JC, mas marami na siyang blessings na natanggap at laging ipinagpapasalamat.
Haring-hari King naman ang aura ni Coco Martin na nagsosolo sa kategoryang Primetime King. Nasa listahan pa rin ang mga regular nang sina Piolo Pascual, John Lloyd Cruz, Jericho Rosales, Angelica Panganiban, Angel Locsin, Bea Alonzo, Maja Salvador, Kim Chiu, Matteo Guidicelli, Sarah Geronimo, Jodi Sta. Maria, Ian Veneracion, Toni Gonzaga, Vice Ganda, Judy Ann Santos, at ang mga sikat na love teams ng bansa – ang KathNIel, LizQuen at JaDine na pawang mga Kapamilya stars.
But this year’s most beautiful ay ang tandem nina Alden Richards at Maine Mendoza, sila ang nasa cover ngayon ng nasabing glossy mag. The other Kapuso stars na nakasama sa listahan ay sina Vic Sotto, Ai Ai delas Alas, Marian Rivera, Dingdong Dantes, Heart Evangelista, Dennis Trillo, Wally Bayola, Jose Manalo at Paolo Ballesteros.
Hindi rin nawala sa listahan ang mga reliable stars na sina Richard Gomez, Gabby Concepcion at Robin Padilla at sina Dawn Zulueta and Ms. Gloria Romero.Laglag naman sa list ang mga tulad nina Gretchen Barretto, Angel Aquino, Gerald Anderson, Eula Valdez, Joey de Leon, Eugene Domingo, Luis Manzano, Billy Crawford, Regine Velasquez, Gary Valenciano at iba pang celebrities na palaging kasama sa taunang 100 Most Beautiful Stars.
Actually, may ilang fans din si Karla Estrada ang nagrereklamo kung bakit hindi rin nakasama sa list ang nanay ni Daniel Padilla. Ha-hahaha! Kaaliw no?!