‘Gary V Presents’ 2 gabing punumpuno ng pasabog
EXCITED na ang mga fans ni Gary Valenciano sa ikaapat na installment ng critically-acclaimed at commercially-successful “Gary V Presents” series ngayong weekend, July 15 and 16 sa Kia Theater, Araneta Center, Cubao, Quezon City.
Dahil sa dami ng nagre-request, nagdesisyon si Mr. Pure Energy na ibalik ang “Gary V Presents” at para ipagdiwang na rin ang kanyang 33rd anniversary sa industriya, kasabay din ng ika-30 anibersaryo ng kanyang management company, ang Manila Genesis Entertainment & Management.
Bilang bahagi ng kanyang anibersaryo, inilunsad din ng Manila Genesis ang isang napakagandang Gary V memorabilia exhibit sa Activity Center, Level 1 ng Gateway Mall sa Araneta Center, Cubao na tatagal hanggang July 16. Ipakikita rito ang mga tropeo ni Gary, pati na rin ang kanyang legendary costumes, magazine covers, concert at movie posters, merchandising materials, never-before-seen photos at marami pang iba.
Sa direksyon nina Gary at ng anak na si Paolo Valenciano at sa musical direction ni Mon Faustino, isang must-see musical extravaganza ang “Gary V Presents” with special guests X-Factor Philippines season one top finalist na si Allan Silonga at member ng all-male vocal group na Daddy’s Home; world music singer na si Bullet Dumas; award-winning theater actress Carla Guevara-Laforteza; The Voice Of The Philippines season one grand winner Mitoy Yonting, season one grand finalist Janice Javier, season one finalist RJ dela Fuente; at season two finalist Timmy Pavino; Star In A Million season two grand finalist at R&B singer Jimmy Marquez; award-winning recording artist-songwriter Kiana Valenciano; Suklay Diva internet sensation Katrina Velarde at classical-pop singer Lara Maigue na parehong nag-bida sa top-rating TV series ng TV5 na Trenderas.
Ang singer-songwriter naman na si Abby Asistio ang magsisilbing opening act ng concert. Ang Gary V Presents ay para sa benepisyo ng scholarship at diabetes programs ng Shining Light Foundation, Inc.. Para sa ticket inquires tumawag sa Ticketworld (911-5555) o sa 0917-5413389 at (632) 535-0786.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.