WALANG nanalo sa mahigit P201 milyong jackpot prize ng Grand Lotto 6/55 sa bola noong Lunes ng gabi.
At dahil dito, inaasahan na aabot sa P208 milyon ang jackpot sa bola nito sa Miyerkules ng gabi.
Ayon sa Philippine Charity Sweepstakes Office walang tumaya sa winning number combination na 17 15 53 30 14 02.
Nanalo naman ng tig-P126,880 ang 14 mananaya na swerteng nakakuha ng lima sa anim na winning numbers, habang tig P1, 250 naman ang napanalunan ng may 1,136 na mananaya na nakakuha ng apat na numero.
Ang Grand Lotto ay binobola tuwing Lunes, Miyerkules at Sabado.
MOST READ
LATEST STORIES