Duterte nakiusap sa Kongreso, CHR: Mind your work, I will mind mine

NANAWAGAN si Pangulong Rodrigo Duterte sa Kongreso at Commission on Human Rights (CHR) na hayaan siyang gampanan ang kanyang tungkulin sa harap ng kanyang kampanya kontra droga at kriminalidad.

“In this fight, I ask Congress and the Commission on Human Rights and all others who are similarly situated to allow us a level of governance that is consistent to our mandate. The fight will be relentless and it will be sustained,” sabi ni Duterte matapos namang pormal na makapanumpa bilang ika-16 pangulo ng bansa.

Bago pa man tuluyang makaupo bilang pangulo, sunod-sunod ang pag-aresto at pagkakapatay sa mga sinasabing drug pusher sa iba’t ibang parte ng bansa.

“You mind your work and I will mind mine,” dagdag pa ni Duterte.

Nauna nang nangako si Duterte na tatapusin ang kriminalidad at droga sa loob ng tatlo hanggang anim na buwan.

Gayunman, iginiit ni Duterte na sa pagtupad sa kanyang tungkulin ay nangangako siya na mapapanatili kung ano ang legal.

“As a lawyer and a former prosecutor, I know the limits of the power and authority of the president.  I know what is legal and what is not. My adherence to due process and the rule of law is uncompromising,” giit ni Duterte.

Gaya nang inaasahan, nagsalita rin sa Bisaya si Duterte.

“Malasakit; Tunay na Pagbabago; Tinud-anay (real) nga Kausaban (change) – these are words which catapulted me to the presidency. These slogans were conceptualized not for the sole purpose of securing the votes of the electorate. Tinud-anay nga kabag-uhan (real change). Mao kana ang tumong sa atong pang-gobyerno (this is the direction of our government),” ayon pa kay Duterte.

Dumalo naman sina dating pangulong Fidel Ramos, dating pangulo at ngayon ay Manila Mayor Joseph Estrada; Senate President Franklin Drilon; Speaker Feliciano Belmonte sa isinagawang inaguration.

Hindi naman dumalo si Vice President Leni Robredo sa inagurasyon ni Duterte.

Dumalo naman sina dating senator Ferdinand “Bongbong Marcos sa isinagawang inagurasyon kasama ang kanyang ate na si Ilocos Norte Gov. Imee Marcos.

Sinabi ni Duterte na alam niyang maraming kontra sa kanyang paraan para masugpo ang kriminalidad

Ayon pa kay Duterte, nakita niya kung paano siraan ng iligal na droga ang tao ang relasyon ng mga at miyebro ng pamilaya.

Inamin din ni Duterte na hindi magiging madali ang laban.

“You cannot strengthen the weak by weakening the strong; You cannot help the poor by discouraging the rich,” any pa.