WAGI si Rachelle Ann Go sa 2016 West End Frame Awards. Siya ang itinanghal na winner para sa kategoryang Best Performance Of A Song.
Ito’y dahil sa napakagandang version niya ng “I Dreamed A Dream” mula sa classic musical na “Les Miserables”. Nakakuha si Rachelle Ann ng 32% mula sa 15,000 taong bumoto.
Ang West End Frame ay isa sa mga nangungunang independent theater websites sa United Kingdom.
Sa official website ng WEF inihayag ang pagkapanalo ng Filipina singer-actress, “This week’s top story: @gorachelleann wins Best Performance of a Song 2016!”
Siyempre, masayang-masaya si Rachelle Ann sa bagong parangal na tinanggap niya, aniya sa West End Frame, “Wow! Thank you West End Frame! I’d like to thank all those who voted for me. It’s an honour to be performing and appreciated here in beautiful London’s West End. I owe this great award to you, guys!
“And to the whole Les Miserables company, thank you for being so amazing and for all the support and encouragement! What a dream come true to be part of this phenomenal long running show. I am so blessed! Cheers!”
Nagpasalamat din ang Pinay singer sa lahat ng bumoto sa kanya sa pamamagitan ng kanyang Twitter account, aniya, “Thank you very much! I feel all your love!!!”
Noong 2014 nasungkit ni Rachelle Ann ang 2014 Best West End Frame Debut award para sa kanyang role na Gigi sa West End revival ng “Miss Saigon”. Noong June, 2015 naman gumanap siyang Fantine sa “Les Miserables” .