FLASHBACK FRIDAY

NA-DISCOVER si Heart Evangelista ng isang commercial agent habang nasa shopping mall kasama ang kanyang kapatid. Nu’ng una ay may hesitation pa ang misis ni Sen. Chiz Escudero na pasukin ang showbiz ngunit sa huli ay hindi na rin siya nakatangi sa tawag ng kapalaran.

Pumirma ng kontrata si Heart sa ABS-CBN Talent Center (Star Magic na ngayon) at nakasama sa Star Circle Batch 9. Hindi rin niya ginamit ang kanyang real name na Love Marie Payawal Ongpauco dahil mas may recall daw ang Heart. Mula noon nagsunud-sunod na ang kanyang mga TV show at pelikula. Lumipat din siya sa GMA 7 matapos ang ilang taong pagiging talent ng ABS. Bukod sa showbiz, kinakarir na rin ngayon ni Heart ang pagiging visual artist.