Isang mananaya sa Novaliches, Quezon City ang nanalo ng P97.1 milyong jackpot prize ng Super Lotto 6/49 sa bola noong Linggo.
Ayon sa Philippine Charity Sweepstakes Office isa lang ang tumaya sa winning number combination na 11-09-25-23-31-18.
Nanalo naman ng tig-P16,130 ang 68 mananaya na nakakuha ng limang numero.
Tig-P370 naman ang napanalunan ng 2,345 mananaya na nakaapat na numero at balik ang P20 taya ng 31,717 mananaya na nakatatlong numero.
Ang nanalo ng jackpot ay tumaya ng P40 ng manalo. Mayroon siyang isang taon para kunin ang kanyang premyo sa main office ng Philippine Charity Sweepstakes Office.
MOST READ
LATEST STORIES