Alden ililibot ang AlDub Nation sa ipinatayong resto

TAGAYTAY-bound naman ang favorite n’yong cooking show with a big twist na Sarap Diva kasama si Regine Velasquez ngayon ding Sabado.

Dadalhin kayo ng Asia’s Songbird sa bagong restaurant ni Alden Richards para i-share mismo ng Pambansang Bae ang kanyang paboritong dish sa AlDub Nation at sa buong mundo. Yes, nakapagsimula na si Alden sa kanyang resto business kaya alamin kung anu-ano ang specialty ng kanilang negosyo.

May patalbugan ding magaganap sa Red Carpet Rampa bina Maria Isabel Lopez at Ate Gay! Bukod dito, isang lucky Songbird fan ang makiki-duet kay Songbird sa Keri Diva Ke-Regine segment!

Abangan lahat ng iyan at iba pang sorpresa ngayong Sabado sa Sarap Diva pagkatapos ng Maynila sa GMA lang.