SARAH GERONIMO AT MATTEO GUIDICELLI
AYAN, mismong si Boss Vic del Rosario na ang naglinaw na walang katotohanan ang kuwentong umiikot na nagdadalantao si Sarah Geronimo kaya hindi muna siya magtatrabaho nang ilang buwan, malaking kalokohan daw ang kuwentong ‘yun.
Ang mabilis na depensa ng tagapamuno ng Viva Films, paano raw magbubuntis si Sarah, samantalang virgin nga ang magaling na singer-actress?
Siguradong-sigurado si Boss Vic sa kanyang sinabi na virgin pa si Sarah, wala pang karanasan ang singer-actress sa usapin ng pakikipagsiping, kaya paano nga naman siya magdadalantao?
Ang totoo ay hiningi sa kanila ni Sarah ang isang masarap na bakasyon. Para sa isang personalidad na batambata pa lang ay nagtatrabaho na, ang isang pahinga ay walang presyo, ginto para sa mga artistang mahabang panahon nang nagpupuyat-nagpapakapagod ang gumising araw-araw na wala silang aasikasuhing trabaho.
At hindi masamang pagbigyan ang hinihiling ni Sarah dahil wala na siyang kailangang patunayan pa, nailagay na rin niya sa magandang posisyon ang kanyang pamilya, ngayon pa nga lang siya nagpapakaligaya dahil sa relasyon nila ni Matteo Guidicelli.
Si Boss Vic del Rosario na mismo ang nagsasabi, hindi nagdadalantao si Sarah Geronimo, virgin pa siya.