Sinabi ni Luisito Mendoza Jr., head ng Casiguran Municipal Disaster Risk Reduction and Management Office (MDRRMO) na tinatayang 15,000 mga residente ay nagmula sa Inlagadian, Casay, Mabini, Tigbao, San Juan, San Antonio, San Isidro, Rizal, Tiris, Gogon, Central, Timbayog, Adovis at Colambis, sa Casiguran.
Sa bayan ng Juban, tinatayang 3,575 katao mula sa Tughan, Cogon, Aroroy, Rangas at Añog ang apektado, ayon kay Lizpeth Nicolas, head ng Juban MDRRMO.
Sinabi pa ni Mendoza na halos kalahati sa mga residente ay binigyan ng face mask at mga tuwalya bilang proteksyon laban sa ashfall na bumagsak sa mga barangay.
Ganap na alas-11:35 ng umaga, nagbuga ang bulkan ng dalawang-kilometrong taas na abo na bumaba papunta sa hilagang kanlurana direksyon.
Hindi naman nagsagawa ng paglikas dahil manipis naman ang abo.