Baka type mong subukan? Basahin ang Good News via Emoji Bible

IBANG  klaseng paghahatid ng ‘Good News’ ang naisip ng isang anonymous writer ng tinaguriang ‘Emoji Bible’ na may subtitle na ‘Scripture 4 Millenials’ kung saan isinalin ang 66 books ng Bibliya sa isang sa iba’t-ibang serye ng mga emoji icons at mga common internet slang na patok na patok sa mga millenials ngayon.

Ayon sa report galing sa Huffington Post, ang gumawa nito ay inabot ng anim na buwan sa pag-gawa ng e-book. Tinitweet daw nya ang line na ginagawa nya at binabasa ang feed back ng mga netizens para mas maayos nya ang e-book. Napalitan nya ang 200 salita sa Bibliya ng 80 emojis. Mayroong 3,300 pages ang ebook na binebenta sa iBooks sa US sa halagang $2.99 o P140.

Mayroon ring ginawang Tweeter account (@BibleEmoji) at isang ‘in-translater’ website kung saan pwede kang gumawa ng sarili mong Bible verse emoji na ishashare sa iyong mga social media accounts.