Rody abala sa pagiging mayor sa araw ng kanyang proklamasyon

BALIK trabaho bilang mayor ng Davao City si Presidente-elect Rodrigo Duterte sa proklamasyon ng Kongreso sa kanya bilang bagong pangulo ng bansa.

Sinabi ng executive assistant Bong Go na naging abala asi Duterte sa paglagda ng mga papeles bilang mayor ng lungsod.
“He is doing his chores as mayor of Davao. Madami pang documents for signature,” sabi ni Go.
Sa isang joint session, opisyal nang iprinoklama ng Kongreso sina Duterte at Vice President-elect Leni Robredo.
Nauna nang sinabi ni Duterte na hindi siya dadalo sa kanyang proklamasyon kung saan inilarawan pa niya ito na “corny.”