DAWN ZULUETA AT PIOLO PASCUAL
KAHAPON ay opisyal nang nagbukas sa mahigit 100 mga sinehan ang pelikula nina Dawn Zulueta at Piolo Pascual kung saan ipinakita ng dalawang bida ang kanilang chemistry at siyempre ang kanilang acting kung saan kinabog nila ang maraming mga showbiz loveteam.
Makatotohanan ang pelikula dahil hindi kaila na nangyayari ang pagkakaroon ng relasyon ng dalawang tao sa kabila ng laki ng agwat sa kanilang edad.
Kwento ito ng isang 50-anyos na biyuda na si Cristy na-inlove sa 34-anyos na binata na si JC. Ka-love triangle naman dito si Coleen Garcia na gumaganap bilang Janine, na bagamat 10-taon na mas bata, patay na patay siya kay JC.
Bagay na bagay kay Dawn ang kanyang role dito na talagang hindi pa kumukupas ang ganda at siyempre ang kanyang husay sa pagganap.
Siyempre, ipinakita rin ni Piolo ang kanyang versatility na kahit kanino pa siya ipareha ay carry niya ang kanyang role.
Napaka light ng pelikula, may konting comedy, drama at siyempre pangkilig sa mga nanonood.
May twist din sa ending ng pelikula kung saan inabangan talaga ng manonood ang ending kung magkakatuluyan ba talaga sina Cristy at JC.
Tiyak kong maraming makaka-relate sa movie sa loob at labas man ng showbiz industry.
Sa iskor na 1 hanggang 10, kung saan 10 ang pinakamataas, bibigyan ko ng iskor na 9 ang pelikula.