PAGKATAPOS manalong Best Actress ng veteran Kapuso actress na si Jaclyn Jose, wagi namang Best Actor ang Kapamilya hunk Jake Cuenca sa 2016 World Cinema Festival Brazil. Kinilala ang galing ni Jake bilang aktor sa indie movie na “Mulat (Awaken)” na nanalo ring Best Narrative Feature award sa nasabing international filmfest.
Ang “Mulat” ay isang psychological thriller na idinirek ni Diane Ventura kung saan kasama rin sina Loren Burgos at Ryan Eigenmann. Binati ng kanyang Star Magic family ang aktor sa pamamagitan ng Twitter, “Congratulations @juancarloscuenca World Cinema Festival Brazil Best Actor for the movie ‘Mulat’!”
In his Instagram account, Jake also congratulated the cast and the production of the movie, “To God be the glory. congratulation to everyone involved in this movie and congratulations to my director @mariadianeventura.'”
Kung matatandaan, nakapag-uwi rin ng Best Actor trophy si Jake noong 2014 para sa nasabi ring pelikula sa ginanap na International Film Festival Manhattan (Global Feature category), kung saan nanalo ring Best Director si Diane.