Michael Pangilinan
KUNG si Edgar Allan ay siniguradong babae pa rin ang gusto niyang pakasalan in the future, ayaw namang magsalita ng patapos ni Michael Pangilinan na hindi siya papatol o magmamahal ng bading.
“Malay po natin. Mahirap magsalita ng tapos pero tinitiyak ko pong babae rin talaga ang hanap ko. Nagkataon din po kasing sa industriyang ito ay marami tayong mga kaibigang gay na talaga namang mamahalin at irerespeto mo nang todo,” sabay segunda sa pahayag ni Edgar na kahit kailan din ay never pa siyang pumatol sa bading.
“Mahal ko po ang LGBT community in general. Although may mga naranasan na po akong panghaharas furing out-of-town shows, pero pinaiiral ko pa rin ang pagpapasensya. Nakaranas na akong madakma at mahipuan ng parehong bading at babae. Mahirap malagay sa ganu’ng sitwasyon, pero nilalawakan ko na lang ang aking pang-unawa.
“Pero kung nataon siguro na nahablot ko o nahuli ko yung bading na gumaganu’n, baka nag-iba ang istorya dahil still for me, pambabastos yung ginawa niya,” kuwento pa ng anak-anakan naming puring-puri ni direk Joven sa kanilang movie.
Wish nga rin naming maging successful ang film venture ni Michael dahil complete package naman ang aura niya as film actor. Mangilan-ngilan lang naman talaga ang mga singer na nagiging matagumpay din sa pag-arte kaya’t dasal namin ang success ng launching film niya.