Coloma at Panelo nagpulong na bilang paghahanda sa pag-upo ni Duterte

KINUMPIRMA ni Presidential Communications Operations Office head Secretary Herminio “Sonny” Coloma na nagpulong na sila ni Atty. Salvador “Sal” Panelo sa harap naman ng nakatakdang pag-upo ng huli bilang spokesperson ni presumptive President-elect Rodrigo Duterte.
Sa isang text message, sinabi ni Coloma na nag-usap sila ni Panelo sa labas ng Malacanang.
“Summary of points discussed in my initial conversation with Atty. Salvador Panelo: PCOO organization structure and major function, staff complement, field operations-regional and provincial offices,” sabi ni Coloma.
Samantala, kinumpirma ng Malacanang na nagsagawa ng ocular inspection ang transition team ni Duterte matapos namang lumipad mula sa Davao.