P102M jackpot sa Biyernes

Inaasahang aabot sa P102 milyon ang jackpot prize ng Ultra Lotto 6/58 sa bola Biyernes ng gabi.
Ayon kay Atty. Jose Ferdinand Rojas II, general manager ng Philippine Charity Sweepstakes Office, walang nanalo sa P97 milyong jackpot prize noong Linggo kaya inaasahan nila na lalaki pa ito.
Sa bola noong Linggo, lumabas ang mga numerong 41-21-13-52-36-6.
Nanalo naman ng tig-P165,900 ang limang mananaya na nakalimang numero.
Nagkakahalaga naman ng P2,440 ang napanalunan ng 271 mananaya na nakaapat na numero at balik ang P20 taya ng 7,427 mananaya na nakatatlong numero.
Binobola ang Ultra Lotto tuwing Biyernes at Linggo. Nagkakahalaga ang taya ng P20 bawat anim na numerong kombinasyon.