Hindi naman natin maaasahang maglulundag pa sa tuwa si Sarah tungkol sa paghihiwalay ng dalawa, pero magpakatotoo na tayo, matinding sakit ang natikman niya nu’n dahil pakiramdam ng dalaga ay hindi man lang siya pinroteksiyunan ni Rayver nang pagsalitaan siya ng kung ano-ano noon ni Cristine.
‘Yun ang mahirap kapag masyadong bumibigay ang isang babae sa pakikipagrelasyon, inaway ni Cristine noon si Sarah, ipinagtanggol nito si Rayver sa pag-aakalang magiging sila na habambuhay.
Hindi nagsasalita noon ang binata tungkol sa mga akusasyon laban sa kanya ng kampo ni Sarah, si Cristine ang sagot nang sagot, palaban noon ang seksing aktres.
Pero wala ring nangyari sa kanilang relasyon, humantong din ‘yun sa paghihiwawaly, ano nga kaya ang nararamdaman ngayon ni Sarah tungkol du’n?
Naka-move on na si Sarah, wala man siyang boyfriend ay siguradong lipas na para sa kanya ang nakaraan nilang relasyon ni Rayver, hindi rin gugustuhin pa ng singer-actress na maulit ang gulo sa kanilang pamilya nang dahil sa aktor.Pareho na lang silang loveless ngayon ni Cristine.
Ang pagkakaiba lang nila ay wala talagang karelasyon si Sarah, samantalang si Cristine, wala mang karelasyon ay may kakaibang paraan para maging masaya sa piling ng kung sinumang mataypan nito.
Ganu’n ‘yun.