SA kabila ng pagkasira ng relasyon nina Bea Alonzo at Zanjoe Marudo, nanatili pa rin daw magkaibigan ang dalawa kaya mas mabilis ang proseso ng kanilang pagmu-move on.
Sa interview ng ABS-CBN sa Kapamilya actor, sinabi nitong naging maayos ang break up nila ni Bea kaya napanatili nila ang kanilang friendship.
“Steady lang, ganu’n pa rin naman. Busy sa trabaho at sa ibang mga bagay,” chika ni Zanjoe na naging busy lately sa in-organize niyang 3rd Z Cup (celebrity golf tournament). This year, mapupunta ang proceeds ng yearly golf event ni Zanjoe sa DSWD Reception and Study Center for Children.
Siniguro naman ng aktor na masaya siya ngayon sa takbo ng kanyang career at personal life being single again. Nang matanong kung madali ba siyang naka-move on sa paghihiwalay nila ni Bea, ito ang naging sagot ng binata, “Moved on. Hindi ko alam, paano ba malalaman kung naka move-on?
“Pero happy ako ngayon kung ano ang nangyayari sakin. Happy ako sa buhay ko and ‘yun ang importante doon,” aniya pa.
Sa totoo lang daw sa maniwala at sa hindi ang mga tao, friends pa rin sila ng kanyang ex-dyowa.
“Masasabi kong okay kami. Kapag nagka-text kami, normal naman. So siguro masasabi ko na kapag magkikita kami sa isang lugar hindi kami magiiwasan. Hindi kami matatakot na ‘Naku, baka nandoon siya.’ So, I’m happy na ganu’n ang nangyari,” paliwanag pa ni Zanjoe.
Pero posible pa bang magkaroon ng second chance ang love affair nila ni Bea? “Sa ngayon ewan ko pero hindi natin masasabi eh. Ang importante naman eh hindi kami magkaaway. Di ba? So maraming pwedeng nangyari.”