Kuwento ng nag-uumapaw na pag-ibig, malaking sakripisyo at matinding panlilinlang, ang Apoy Sa Dagat ay sesentro sa buhay ni Serena (Angelica), isang dalagang napadpad sa isang isla at lumaki ng walang kahit anong naaalala tungkol sa kanyang tunay na pagkatao.
Dahil sa kawalan ng pamilyang masasandalan, natagpuan ni Serena ang isang malibay na sandigan sa katauhan ni Ruben (Piolo) na kalauna’y bibihag sa kanyang puso.
Sa panahong akala niya ay wala nang hahadlang sa kanilang pag-iibigan, isang aksidente ang susubok sa tatag nina Serena at Ruben.
Anong kayang gawin ni Serena upang maisalba ang buhay ng lalaking pinakamamahal niya?
Ano ang magiging kaugnayan ng mayamang negosyanteng si Anton (Diet) sa buhay ni Serena? At ang pinakamalaking tanong sa lahat – sino nga ba si Rebecca (Angelica) sa buhay nina Ruben, Anton at Serena?
Nakita ko na ang trailer ng Apoy Sa Dagat at mukhang promising naman ang bagong series na ito gn ABS.
Mukhang intense ang mga eksena, lalo na ang mga kissings scene at love scene nina Angelica at Piolo.
Bukod kina Angelica, Diether at Piolo, bahagi rin ng cast sina Angel Aquino, Aiko Melendez, Sylvia Sanchez, Perla Bautista, Liza Lorena, Freddie Webb, Melai Cantiveros, Eric Fructuoso, Regine Angeles, Bryan Santos at Mikaela Ramirez.
May special participation din sa serye sina Nikki Gil, Empress at Patrick Garcia, sa direksiyon nina FM Reyes and Nick Olanka.
Ngayong Peb. 4 na magsisimula ang Apoy Sa Dagat, mapapaso ang buong sambayanan sa panlilinlang ng isang mukhang nagtataglay ng dalawang katauhan gabi-gabi sa Primetime Bida ng ABS-CBN.