Hindi pa raw final na si Dawn Zulueta na ang papalit sa role na dapat sana ay kay Maricel Soriano matapos itong matsugi sa Bukas Na Lang Kita Mamahalin.
Hindi pa raw pormal na inaalok ang kampo ni Dawn para sa kanya ibigay ang dating role ni Maricel.
Pero ang nakakaloka rito ay bigla raw nag-react itong si Dina Bonnevie na gaganap naman bilang ina ni Rayver Cruz sa nasabing soap.
Tama ba ang nabasa naming pinagtaasan daw ng kilay ni Dina ang chikang si Dawn na ang papalit kay Maricel?
Kung totoo ang chikang ito, bakit naman niya pagtataasan ng kilay si Dawn? Insecure ba siya sa aktres dahil bukod sa mas bata ito ay mas maganda at mas seksi sa kanya?
At baka natatakot siya na masapawan ni Dawn sa kanilang mga eksena?
Hanggang ngayon kasi ay pinag-uusapan pa rin ng sambayanan si Dawn sa performance niya sa Walang Hanggan kung saan nakasama niya si Richard Gomez.
Baka nga naman may “fear factor” itong si Ms. D na hindi siya mapansin sa Bukas Na Lang Kita Mamahalin dahil sa presence ni Dawn. May sense?