Kumpirmado: Digong, Marcos ‘manok’ ng INC

KINUMPIRMA ng makapangyarihang Iglesia Ni Cristo (INC) na inendorso nito ang kandidatura ni Davao City Rodrigo Duterte sa pagka-pangulo at Sen. Ferdinand “Bongbong” Marcos Jr. para sa pagka-bise presidente.
Bukod kina Duterte at Marcos, suportado rin ng INC ang kandidatura ng 12 kandidato na tumatakbo sa pagka-senador kabilang na sina dating Metro Manila Development Authority (MMDA) chair Francis Tolentino, Senate President Franklin Drilon, Sen. Vicente “Tito” Sotto III, dating senador Richard “Dick” Gordon, Sen. Ralph Recto at Rep. Martin Romualdez.
Inendorso rin sina dating senador Panfilo Lacson, dating senador Miguel “Migz” Zubiri, dating Technical Education and Skills Development Autority (TESDA) head Joel Villanueva, Sarangani Rep. Manny Pacquiao, Win Gatchalian at dating Akbayan partylist Rep. Risa Hontiveros.
Matatandaang bumisita si Pangulong Aquino sa headquarters ng INC para iapela na suportahan ang kandidatura nina dating Interior Sec. Mar Roxas at Camarines Sur Rep. Leni Robredo.