Binay: Digong abnormal, may sira sa pag-iisip

ABNORMAL na may problema sa pag-iisip kung ilarawan ni Vice President Jejomar Binay ang katunggali niyang si Davao City mayor Rodrigo Duterte.
Sa panayam ng Energy FM radio station noong Miyerkules, sinabi ni Binay na tanging mga tao na may problema sa pag-iisip ang maaaring makapagbiro ukol sa pagpatay at panggagahasa sa Australian missionary na siJacqueline Hamill noong 1989.
“Kaya pala ganiyan ang mga asal niyan. Pinagyayabang niya ‘yong pinapatay niya, sinasaksak ‘yong mga bata. Tapos ‘yong patay na Australyana, sinabihan niyang, ‘Ang ganda pala nito. Sana ako na lang ang nakauna,’ mga ganoon ba. Napaka-abnormal non, hindi ba? Kaya pala may abnormality ‘yong mga pinagsasabi nito ay dahil sa may ano pala ‘yan, psychological disorder,” ani Binay.