FERNADO POE JR. AT SUSAN ROCES
BONGGA! Nasa Viber na ang imortal na linya ni Da King Fernando Poe, Jr. sa pelikula na “Isang bala ka lang!”
Maging ang “not once but twice” na linya ni Ms. Susan Roces na kilala ngayon bilang si Lola Kap sa Ang Probinsyano ay may Viber sticker na rin.
Tumatak na sa publiko ang “You have stolen the presidency not once, but twice!” na linya nang isang nagngingitngit na Susan Roces para kay dating Pangulong Gloria Arroyo nang pumutok ang ulat na dinaya niya umano si FPJ noong 2004 presidential elections.
Kasama ang mga cute na cute stickers nina Da King at Ms. Susan sa mga free Viber sticker na inilabas ng kampo ni Sen. Grace Poe. Nakakaaliw ang mga “stick to Poe” stickers lalo pa at ipinakikita nito ang mga iba’t ibang emosyon, greetings at expression na pwedeng magamit sa pakikipag-chat sa mga kaibigan.
Kasama sa mga sticker ay ang “Hello Poe!,” “God bless Poe!”, “Guapoe!”, “Push Mo Poe,” “Keep Calm and Carry Poe,” “Gandang Umaga Poe!,” “Ur Welcome Poe!,” at “Kain na Poe!”