Louise delos Reyes, Juancho Trivino bibida sa ‘Dwende at ang Herederang Gusgusin’ ng GMA

HINDI itinanggi ng Kapuso actor na si Juancho Triviño na lumabas sila noon ni Louise delos Reyes.
Aniya, may mga pagkakakataon na nagkasama sila kaya sinigurado niyang palagay na ang loob nila sa isa’t isa lalo pa at magkakatrabaho sila sa upcoming Afternoon Prime series ng GMA, ang Dwende At Ang Herederang Gusgusin.

“Relaxed naman ako sa kanya. Matagal na kaming magkakilala and we went out before. Nanood kami ng movie at nagjo-jogging kami together,” lahad pa ng Kapuso actor. Makakasama rin sa Dwende At Ang Herederang Gusgusin sina Gina Alajar, Rez Cortez, Assunta de Rossi, Maricar de Mesa, James Teng, Liezel Lopez, Marika Sasaki, Balang, sa direksiyon ni Mark Sicat dela Cruz.