MIKAEL DAEZ AT REGINE VELASQUEZ
TUWANG-TUWA si Regine Velasquez at ang buong production ng GMA series na Poor Señorita dahil patuloy na tumataas ang rating nito gabi-gabi. Abot-langit ang pasasalamat ng Asia’s Songbird sa mga manonood dahil puro magagandang comments ang natatanggap niya simula nang umere ang kanilang programa.
Sey ni Regine, mas lalo silang ginaganahang magtrabaho ngayon para mas mapaganda pa ang Poor Señorita. Natutuwa rin siya dahil ang mga punchline niya sa serye ay bukambibig na rin ng ngayon ng mga tao.
Sa episode tonight ng serye, pupuntahan ni Rita (Regine) si Maika (Sheena Halili) kasama sina Apol (Miggs Cuaderno) at Rambo (Zymic Jaranilla). Makikita nila si Kilmer (Kevin Santos).
Tatakbo si Rita kasama sina Apol at Rambo. Di na niya maririnig ang sasabihin ni Kilmer na hindi na siya papatayin nito. Mahahabol sila ng aso. Di makakasampa si Rita sa pader. Tatalon si Rambo para iligtas siya. Si Rambo ang makakagat ng aso!
Tatawagan ni Rita si Maika para warningan tungkol kay Kilmer. Walang idea si Maika na si Kilmer at ang dine-date niyang si Kitoy ay iisa. Sasabihin ni Rita kay Maika na mabuting hindi nito alam kung nasaan siya. Dito darating ang ibang mga yagit kasama si Paeng (Mikael Daez). Sisisihin ni Paeng si Rita.
Mapipilitan naman si Rita na ibenta ang kabaong niya para mabayaran ang gamot ni Rambo. Habang iniiniksyunan si Rambo, papanoorin ni Rita kung paano i-comfort ni Paeng ang bata. Pag-uwi nila, bibilinan ni Paeng si Rita na alagaang mabuti ang mga yagit. That night, makikita ni Rita si Rambo in pain, lalagyan niya ng smiley ang bandage nito tulad ng ginagawa dati ni Daniel sa kanya.