P59M nakuha sa Batangas

Isa ang nanalo ng P59.73 milyong jackpot prize ng Grand Lotto 6/55 sa bola noong Lunes ng gabi.
Ayon kay Atty. Jose Ferdinand Rojas II, general manager ng Philippine Charity Sweepstakes Office, ang nanalo ay tumaya sa Calaca, Batangas.
Ang nanalo ay mayroong isang taon para kunin ang kanyang premyo. Kung hindi ito ay mapupunta sa Charity Fund ng PCSO.
Siya ay nag-iisang nakakuha ng mga numerong 14-10-9-12-28-23.
Nanalo naman ng tig-P15,810 ang 56 mananaya na nakakuha ng lima sa anim na numerong lumabas.
Tig-P340 naman ang napanalunan ng 2,071 mananaya na nakaapat na numero at balik ang P20 taya ng 27,136 mananaya na nakatatlong numero.
Ang Grand Lotto ay binobola tuwing Lunes, Miyerkules at Sabado.